ASL KISKO KAHTE HAIN, NAQL KA ZAMANA HAI
AAJ KAL HAQEEQAT BHI, EK HASEEN FASANA HAI
RANJ -O- GHAM KI BASTI MEIN, YAANI BAZME PASTI MEIN
MUSKURA RAHA HOON MAIN, GARCHE FAIL MUJRIMANA HAI
BARQ KYA JALAYEGI, KHUD HI JAL NA JAYEGI
MERA ASHIANA PHIR BHI, MERA ASHIANA HAI
TEZ RAU TO EK PAL MEIN, THAK KAR BAITH JAYEINGE
DHEERE DHEERE CHALTE HAIN, JINKO DOOR JANA HAI
FUN KI BAAT KYA JANEIN, PAR HASEEN HAQEEQAT HAI
AAP KA TAKHAIYUL BHI, KITNA SHAIRANA HAI
No comments:
Post a Comment